2025 წლის 21 ივნისს, საქართველოს ულამაზეს კურორტ ბაკურიანში დაიწყო Erasmus+ პროექტის “Sustainable Economies for Greener Europe” მეორე მობილობა!
პროექტს ესწრება 28 მონაწილე 7 პარტნიორი ქვეყნიდან — საქართველო, პოლონეთი, ავსტრია, სომხეთი, უკრაინა, ლატვია და რუმინეთი.
პროექტის მიზნებია:
ახალგაზრდული მუშაკების ეკო-ცნობიერების ამაღლება და მათი გაძლიერება თანამედროვე გლობალურ გამოწვევებზე საპასუხოდ;
ცოდნის გაღრმავება კლიმატის ცვლილების, მდგრადი ეკონომიკის და სოციალური მეწარმეობის მიმართულებით;
ინოვაციური სასწავლო მეთოდების ათვისება, რომლებიც მიმართულია ეკოლოგიური პასუხისმგებლობისკენ და ახალგაზრდების ჩართულობისკენ.
გარემოსდაცვითი სოციალური საწარმოების იდეების გენერირება და ბიზნეს გეგმის მომზადება
მობილობის ფარგლებში მონაწილეები იღებენ აქტიურ მონაწილეობას ტრენინგებში, პრაქტიკულ სესიებში და იდეების გაცვლაში, რაც მათ დაეხმარება საკუთარ თემებში განახორციელონ მდგრადი ცვლილებები.
პროექტი სრულად შეესაბამება Erasmus+ პროგრამის მიზნებს — ახალგაზრდების მობილობის, გარემოსდაცვითი განათლების და გამოცდილების გაზიარების ხელშეწყობის კუთხით.
