2025 წლის 28–29 აგვისტოს ჩვენს გუნდს ჰქონდა შესაძლებლობა მონაწილეობა მიეღო MasterPeace-ის გლობალურ შეხვედრაში – PWR UP 2025, რომელიც უტრეხტში, ნიდერლანდებში გაიმართა.
აღნიშნული დინამიური სამიტი აერთიანებდა ცვლილებების შემოქმედებს, კრეატიულ ადამიანებსა და საზოგადოებრივი ლიდერებს მთელი მსოფლიოდან – 20-ზე მეტი ქვეყნის 30-ზე მეტი ორგანიზაცია შეიკრიბა, რათა შექმნილიყო კავშირები, გაზიარებულიყო გამოცდილება და ერთად შეგვექმნა პოზიტიური გავლენები.
ორი დღის განმავლობაში გავეცანით ისეთ მნიშვნელოვან თემებს, როგორიცაა:
არტივიზმი სოციალური ცვლილებებისთვის
„დონატ ეკონომიკა“ – მდგრადი მომავლისთვის
ხელოვნური ინტელექტი საზოგადოებრივი სიკეთისთვის და ეთიკური ინოვაციები
ახალგაზრდული სტრატეგია – ძლიერი ჩართულობისთვის
ციფრული მარკეტინგის მნიშვნელობა – ბიზნესის ჩართულობისთვის
ფონდრაიზინგი და სოციალური მეწარმეობა – გამძლე ორგანიზაციებისთვის.
პროგრამა მოიცავდა ინსპირაციულ სემინარებს, ქსელურ შეხვედრებს და ღია დიალოგებს, თუ როგორ შეგვიძლია ხმის გაძლიერება, თანამშრომლობის გაღრმავება და ქმედებების გაერთიანება უკეთესი სამყაროსთვის.
კავშირი. შესაძლებლობების გაძლიერება. კოლექტიური მოქმედება.
PWR UP არის დინამიური სამიტი, რომელიც შექმნილია კავშირების გასაძლიერებლად და უნარების გასავითარებლად. ის აერთიანებს ლიდერებს, შემოქმედებსა და აქტიურ ადამიანებს და ქმნის ძლიერ სივრცეს ქსელური ურთიერთობებისთვის, უნარების განვითარებისთვის და ერთობლივი ქმედებებისთვის. მიუხედავად იმისა, გსურთ თუ არა თქვენი გავლენის გაფართოება თუ ახალი იდეების გაღვივება , PWR UP არის ადგილი, სადაც მუხტი იქმნება.
ჩვენთვის მნიშვნელოვანია, რომ ვართ MASTERPEACE-ის გლობალური მოძრაობის ნაწილი და იდეებით სავსე ვბრუნდებით ახალი ენერგიით, ცოდნითა და პარტნიორობით, რათა გავაგრძელოთ პოზიტიური ცვლილებების შექმნა ჩვენს საზოგადოებებში.
