ღონისძიება სოფელ ავრანლოში

დამატების თარიღი: 06 June 2014 / 23:25

2014 წლის 1-2 ივნისს მასტერფის საქართველოს, კავკასიის ახალგაზრდული კავშირისა და სოფლის სოციოლოგთა კლუბის ინიციატივით მოეწყო გასვლითი პროექტი წალკის მუნიციპალიტეტის სოფელ ავრანლოში. პროექტი შედგებოდა სხვადასხვა აქტივობისგან: გარემოს დასუფთავება, სოციალურად დაუცველი ოჯახების დახმარება, ტრენინგები მშვიდობასა და კონფლიქტების მოგვარებაზე, სხვადასხვა შემეცნებითი და გასართობი თამაშები. ორგანიზატორების ძალისხმევით შეგროვდა წიგნები, ტანისამოსი და სხვადასხვა საყოფაცხოვრებო ინვენტარი, რომელიც გადაეცა სოფლის ერთ-ერთ სოციალურად დაუცველ, მრავალშვილიან ოჯახს. პროექტის სამიზნე ჯგუფს აგრეთვე წარმოადგენდა სოფელ ავრანლოს საჯარო სკოლის მოსწავლეები, რომლებიც დიდი ენთუზიაზმით და ხალისით ჩაერთვნენ ყველა აქტივობაში. აღსანიშნავია, რომ სოფელი გამორჩეულია ეთნიკური და რელიგიური ჯგუფების სიმრავლით. მუნიციპალიტეტში წლებია მართმადიდებლები, მუსლიმები, ქართველები, ბერძნები, აჭარელი ეკო მიგრანტები და სხვები მშვიდობიანად ცხოვრობენ.

 

პარტნიორები

erasmus+
salto-youth
open society georgia foundation
masterpeace