29 ნოემბრიდან 7 დეკემბრამდე ბაკურიანში Let’s Do It Georgia-ს ორგანიზებით კიდევ ერთი ერასმუს+ ტრენინგ კურსი განხორციელდა- “Environmental protection in action” .
პროექტმა გააერთიანა ახალგაზრდა ეკოაქტივისტები 7 ქვეყნიდან: საქართველო, აზერბაიჯანი, უკრაინა, საფრანგეთი, ჩეხეთი, გერმანია, ესტონეთი.
ტრენინგ კურსი მიზნად ისახავდა ახალგაზრდა მუშაკებისა და ეკოაქტივისტებისთვის ცნობიერების ამაღლებას კლიმატის ცვლილებების, გარემოსდაცვითი საკითხებისა და ნარჩენების გადამუშავების შესახებ.
პროექტის განმავლობში ჩატარდა აქტივობები, რომლებმაც ხელი შეუწყო მტკიცე გუნდის ჩამოყალიბებასა და უსაფრთხო გარემოს შექმნას.
პროგრამა დატვირთული იყო ინფორმატიული სემინარებითა და ვორქშოპებით, რომლებშიც მონაწილეები აქტიურად იყვნენ ჩართულები.
4 დეკემბერს მოეწყო ექსკურსია ბორჯომის მუნიციპალიტეტში, სადაც ეკო აქივისტებმა მოინახულეს უძველესი ეკლესია-მონასტრები და ასევე ეწვივნენ ქალაქ ბორჯომის პარკს.
მოხარულები ვართ, რომ პროექტმა მიაღწია მთავარ მიზნებს, განავითარა მდგრადი კონპეტენციები მონაწილეებში და ჩამოაყალიბა მჭიდრო და ღირებული კავშირები.
პროექტი ჩატარდა ევროკავშირის Erasmus+ პროგრამის ფინანსური მხარდაჭერით.
